«

»

Sep 09 2014

Завршија археолошките истражувања на локалитетот Градиште кај Пелинце

Завршија годинашните археолошки истражувања на локалитетот Градиште кај Пелинце, Кумановско, проект предвиден во Програмата за заштита на културното наследство на Министерството за култура.

pelince_pitos1_640

Екипа на археолози од Националната установа Музеј Куманово во соработка со стручни лица од Археолошкиот музеј на Македонија ги истражуваа правците на протегање и контурите на објектите од железното време, лоцирани во овој локалитет. Во годинашните истражувања пронајдени се значајни наоди, меѓу кои и голем број на фрагментирани керамички садови и делови од архитектура, кои се од исклучително значење за определување на културните обележја на праисторискиот период во североисточна Македонија.

OLYMPUS DIGITAL CAMERA OLYMPUS DIGITAL CAMERA

Археолошкиот локалитет „Градиште“ кај Пелинце претставува комплексно повеќеслојно наоѓалиште. Од страна на Н.У. Музеј Куманово се истражува уште од осумдесетите години, кога беше откриено уникатно светилиште од раното бронзено време. Оттогаш, ископувањата се сконцентрирани на населбинското плато, каде што се регистрирани хоризонти на живеење од доцното бронзено време, преодниот период, раното и полното железно време, раната антика и траги на употреба и од римскиот период.

Извор: Министерство за Култура на Република Македонија

Автор: Игор Ефтимовски

Игор Ефтимовски е студент по Археологија на Филозофскиот Факултет во Скопје, ученик на генерацијата 2010-2014 при СОУ "Цар Самоил" - Ресен, двократен државен првак по историја за средните училишта во Република Македонија (2012 и 2013), учесник на научните трибини: "Брсјачка буна, Брсјачко востание, Демирхисарски заговор", "1000 години од смртта на Цар Самоил"; како и автор на изложбата "Македонија и Преспа во делата на странските картографи - од II до XIX век".

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>